Или се есть красота ихъ церковная, еже ударяютъ въ бубны, въ трубы же и въ арганы, руками пляшуще и ногами топчуще, и многыя игры дѣюще, ими же бѣсомъ радость бываетъ?
Сѵмеоновская лѣтопись
А крестящимся не наречутъ именъ святыхъ, но звѣрина имена: левъ, пардусъ и прочихъ звѣревъ, но крестятъ пятою прьсты и послѣди палцемъ лица своя мажутъ. .... И молвятъ бо тіи, яко не достоитъ иннемь языкомъ хвалити Бога, но токмо трими языкы: жидовскимъ языкомъ, ти елинскимъ и римскимъ,— блядутъ бо въ томъ.
Се ли есть смиреніе и благочиніе въ святеи церкви еже папа их клечитъ на колѣну свою и опресночная приноситъ и въ рукавицахъ служитъ и перстни на рукавицахъ носитъ такоже и арцибискупы и бискупы учители ихъ творятъ и капланове ихъ клячятъ такоже и вси ляхове и весь латынскіи родъ мужеска полу и женьска маліи же и велици и вси падающе на колѣну свою и клячятъ до скончанія богомерьскаго пѣнія ихъ тако бо и жидове створиша ругающеся Христу Спасу нашему еже на святыхъ Его страстехъ претерпе от нихъ досаду и поношеніе. Си же къ тому еще яко наругахуся образу Господню, учители ихъ церьковніи: служители постризаютъ брады и усы своя ревнующе женьскому зрѣнію рекущи же сице блядословія тако добро есть къ святыни приступати а идѣже служатъ и приобщаются ту и пси ихъ съ ними ходятъ.
Никифорово посланіе
